انٹرنیشنل سکیورٹی اسسٹنٹ فورسز کے کمانڈرجنرل میک کرسٹل نے آج صبح آرمی چیف جنرل اشفاق پرویزکیانی سے جی ایچ کیو میں ملاقات کی ۔ وہ کچھ دیرآرمی چیف کے ہمراہ رہے ۔ دونوں رہنماؤں کی  ملاقات میں دہشت گردی کے خلاف جنگ ، جنوبی وزیرستان میں جاری پاک فوج کے آپریشن، نیٹو کے سامان کی ترسیل کے لیے حفاظتی انتظامات اورپاک افغان بارڈرکی صورت حال پر غور کیا گیا ۔ اس موقع پر ایساف کمانڈر نے پاک فوج کی پیشہ وارانہ صلاحیتوں کی تعریف بھی کی۔