سابق وزیراعظم بے نظیر بھٹو شہید کی سالگرہ کے سلسلے میں ملک کے مختلف شہروں میں تقریبات کاسلسلہ جاری ہے۔ صدر آصف علی زردری اپنی صاحبزادی آصفہ بھٹو زرداری کےہمراہ نوڈیروپہنچ گئے ہیں۔گڑھی خدابخش اور نوڈیرو میں سکیورٹی کے سخت انتظامات کیے گئے ہیں۔ قرآن خوانی اور لنگر عام کا اہتمام بھی کیا گیا ہے۔ گڑھی خدا بخش اور نوڈیرومیں پینتیس سو پولیس اہلکار سکیورٹی کے فرائض انجام دے رہے ہیں جبکہ کلوز سرکٹ ٹی وی کیمروں کے علاوہ واک تھرو گیٹ بھی نصب ہیں۔