کینیڈا کے کالگیری چڑیا گھر میں زولا نامی گوریلے کا بریک ڈانس دیکھ کر عقل دنگ رہ جاتی ہے۔ نو سالہ دیو ہیکل زولا نہ صرف ایک ٹانگ پرتیزی سے گول گول گھومتا ہے بلکہ پاؤں کی حرکت کے ذریعے خوبصورت ڈانس سٹیپ بھی کرتا ہے۔ زولا کو دو برس قبل نیویارک کے برونکس چڑیا گھر سے کینیڈا منتقل کیا گیا تھا۔ چڑیا گھر کی انتظامیہ کا کہنا ہے کہ زولا نے بریک ڈانس کی تربیت نیویارک سے حاصل کی ہے اور اسے پانی میں کھیلنا بہت پسند ہے ۔انٹرنیٹ پر جاری زولا کی ڈانسنگ ویڈیوز نے اسے سٹار بنا دیا ہے۔