کوئی شک میں نہ رہے، انگلینڈ چیمپئنز ٹرافی جیت لے گا: ایلسٹرکک

لندن (اے پی پی) انگلینڈ کرکٹ ٹیم کے کپتان ایلسٹرکک نے اس عزم کا اعادہ کرتے ہوئے کہا ہے کہ ٹیم بغیر کسی شک و شبہ کے آئی سی سی چیمپئنز ٹرافی کا ٹائٹل جیت لے گی۔ انگلش ٹیم نے سیمی فائنل میں جنوبی افریقہ کو 7 وکٹوں سے ہرا کر فائنل تک رسائی حاصل کی ہے۔ سیمی فائنل میں ٹیم نے پروٹیز کے خلاف جو کھیل پیش کیا وہ قابل ستائش ہے اور اگر ٹیم فائنل میں بھی اسی جذبے سے کھیلی تو ہمیں ٹائٹل جیتنے سے کوئی نہیں روک سکے گا۔ انہوں نے کہا کہ ٹیم نے طویل عرصے بعد ایونٹ کے فائنل تک رسائی حاصل کی ہے اور ان کا دل کہتا ہے کہ ہم ٹرافی جیت لیں گے۔