راولپنڈی: راشن کی تقسیم کے دوران بھگدڑ، دو خواتین جاں بحق، 3 زخمی

راولپنڈی (آئی این پی) راولپنڈی کے علاقے  ہارلے سٹریٹ میں راشن کی تقسیم کے دوران بھگڈر مچنے سے 2 خواتین جاں بحق جب کہ 3 زخمی ہو گئیں۔جمعہ کو راولپنڈی کے علاقے ہارلے سٹریٹ کی لین نمبر 5 میں ایک مخیر شخص کی جانب سے مستحق افراد میں راشن کی تقسیم کی جا رہی تھی کہ انتظامات نہ ہونے کی وجہ سے بھگڈر مچ گئی جس کے نتیجے میں 2 خواتین جاں بحق جب کہ 3 زخمی ہو گئیں۔ حادثے میں جاں بحق ہونے والی خواتین کی شناخت مسرت اور سکینہ کے ناموں سے ہوئی ہے۔ امدادی ٹیموں کے اہلکاروں نے حادثے میں زخمی ہونے والی خواتین کو ڈی ایچ کیو ہسپتال راولپنڈی منتقل کیا جہاں انھیں طبی امداد دی جا رہی ہے۔پولیس نے راشن تقسیم کرنے والے شخص کو حراست میں لے کر تحقیقات کا آغاز کر دیا ہے۔