برطانیہ: ایئرشو کے دوران ہواباز کا پیراشوٹ نہ کھل سکا: ساتھی نے بچا لیا

لندن (بی بی سی اردو) برطانیہ کی ریڈ ڈیولز پیراشوٹ ٹیم کے ایک ہوا باز نے اپنے ساتھی کی مدد کر کے اسے حادثے سے اسوقت بچالیا جب ’فری فال‘ کے دوران اسکا پیراشوٹ نہیں کھل پایا۔ یہ واقعہ کمبریا میں وائٹ ہیون ایئر شو کے دوران پیش آیا۔ سماجی رابطوں کی ویب سائٹس پر موجود تصاویر میں دونوں پیراشوٹرز کو فضا سے نیچے آنے کے بعد اکھٹے بندرگاہ کے قریب پانی میں گرتے ہوئے دیکھا جاسکتا ہے۔