مسقط جانےوالے مسافر سے 1کلو700گرام اعلی کوالٹی کی کرسٹل ہیروئن برآمد

کراچی(خصوصی رپورٹر)کراچی کے جناح انٹرنیشنل ائیر پورٹ پرایئرپورٹ سیکورٹی فورس(اے ایس ایف) نے کارروائی کرتے ہوئے مسقط جانے والے مسافر سے 1کلو700گرام اعلی کوالٹی کی کرسٹل ہیروئن برآمد کرلی ہے ۔ترجمان اے ایس ایف کے مطابق جناح انٹرنیشنل ائیر پورٹ پر مسقط ائیر لائن کی پرواز نمبر 326سے اومان جانے والے مسافر کے سامان کی تلاشی لی گئی۔تلاشی کے دوران اے ایس ایف اہلکار نے مسافر ظفر گل سے 1کلو700گرام اعلی کوالٹی کی کرسٹل ہیروئن برآمد کرلی۔برآمد کی گئی منشیات کی عالمی منڈی میں مالیت 2کروڑ روپے سے زائد ہے۔ملزم کو گرفتار کرکے مزید تفتیش کے لیے نامعلوم مقام پر منتقل کردیا گیا ہے۔