سابق وزیر اعظم بینظیر بھٹو کی 64 ویں سالگرہ آج منائی جائے گی

اسلام آباد (آن لائن) پاکستان کی پہلی خاتون وزیر اعظم اور پیپلز پارٹی کی چیئرپرسن بینظیر بھٹو شہید کا 64واں یوم ولادت آج منایا جائے گا۔ بینظیربھٹو 21جون 1953ء کو کراچی میں پیدا ہوئیں۔سالگرہ تقریبات کے سلسلے میں وفاقی دارالحکومت،آزاد کشمیرسمیت ملک بھر کے صوبائی ہیڈ کوارٹرز ،ڈویژنل اور ضلعی دفاتر کے ساتھ ساتھ تحصیل اور قصبات کی سطح پر بھی پیپلز پارٹی کے زیر اہتمام سالگرہ تقریبات منعقد کی جائیں گی ،،بعد از افطاری کیک کاٹے جائیں گے جبکہ بلڈ کیمپ بھی لگائے جائیں گے جبکہ قرآن خوانی کا اہتمام بھی کیا جائے گا۔