بھارتی ریاست ہماچل پردیش میں بس کھائی میں گرگئی، 25 افراد ہلاک

نئی دلی: بھارتی ریاست ہماچل پردیش میں مسافر بس کھائی میں گرنے سے 25 افراد ہلاک اور 35 زخمی ہو گئے۔بھارتی میڈیا کے مطابق بس بنجار سے گداگوشانی کی طرف جا رہی تھی کہ کْلّو کے مقام پر گہری کھائی میں جا گری۔ حکام کے مطابق حادثے کے وقت بس میں 50 سے زائد مسافر موجود تھے۔پولیس حکام کا کہنا ہے کہ حادثے میں زخمی ہونے والوں کو طبی امداد کے لیے اسپتالوں میں منتقل کر دیا گیا ہے۔بھارتی وزیرِ اعظم نریندر مودی نے بس حادثے میں انسانی جانوں کے ضیاع پر شدید دکھ کا اظہار کرتے ہوئے متاثرہ خاندانوں کے ساتھ ہمدردی کا اظہار اور زخمیوں کی جلد صحتیابی کی دعا کی ہے۔