انگلینڈ کی ٹیم ویمنز ورلڈ کپ فٹ بال ٹورنامنٹ پری کوارٹر فائنل میں پہنچ گئی

لاہور(سپورٹس ڈیسک) انگلینڈ کی فٹبال ٹیم ویمنز ورلڈ کپ فٹ بال ٹورنامنٹ پری کوارٹر فائنل میں پہنچ گئی۔ فرانس میں جاری میگا ایونٹ میں گروپ ڈی کے پہلے میچ میں انگلینڈ کی ویمن ٹیم نے دفاعی چیمپئن جاپان کی ٹیم کو 2-0 گول سے شکست دے کر مسلسل تیسری کامیابی حاصل کی اور پری کوارٹر فائنل مرحلہ کھیلنے کا اعزاز بھی حاصل کرلیا۔
انگلینڈ ٹیم کی کھلاڑی وائٹ نے انتہائی شاندار کارکردگی کا مظاہرہ کرتے ہوئے اپنی ٹیم کی فتح میں اہم کردار ادا کیا۔ انگلینڈ کی طرف سے دونوں گول وائٹ نے سکور کئے۔ جاپان کی ٹیم نے گول کرنے کی بھرپور کوشش کی تاہم وہ اس میں کامیاب نہ ہوسکی۔ اسی گروپ کے دوسرے میچ میں ارجنٹائن اور سکاٹ لینڈ آمنے سامنے تھیں دونوں ٹیموں کے درمیان کانٹے دار مقابلہ ہوا اور یہ میچ 3-3 گول کی برابری پر ختم ہوگیا۔