وادی نیلم‘ بالاکوٹ میں گاڑیاں گرنے سے 7 افراد جاں بحق

نیلم (آزاد کشمیر+بالاکوٹ (نوائے وقت رپورٹ) آزاد کشمیر میں وادی نیلم کے بالائی علاقے جندر بیری کے مقام پر باراتیوں کی گاڑی کھائی میں جا گری۔ پولیس کے مطابق حادثے میں ایک خاتون سمیت تین افراد جاں بحق اور 14 زخمی ہو گئے۔ زخمیوں کو طبی امداد کیلئے ہسپتال منتقل کر دیا گیا ہے۔ حادثے میں دو افراد لاپتہ ہیں جن کی تلاش جاری ہے۔ جیپ پر گنجائش سے زیادہ افراد سوار تھے۔ بالاکوٹ میں گاڑیاں دریا میں گرنے سے چار نوجوان جاں بحق ہو گئے۔ ریسکیو حکام کے مطابق بالاکوٹ میں پارس کے قریب گاڑی دریائے کنہار میں جا گری۔ حادثے میں چار نوجوان جاں بحق ہو گئے۔