لاہور(سپورٹس رپورٹر)پاکستان سپر لیگ سکس میں کوالیفائر مرحلہ آج شروع ہوگاجس میںاسلام آباد یونائٹیڈ اور ملتان سلطانز کی ٹیمیں مد مقابل ہونگی۔میچ پاکستانی وقت کے مطابق رات 6بجے شروع ہوگا ۔ ایلیمینیٹر ون میںکراچی کنگز اور پشاور زلمی کے درمیان مقابلہ ہوگا ۔یہ میچ بھی رات 11بجے شروع ہوگا۔ کل ایلیمینیٹر 2 (کوالیفائر ہارنے والی ٹیم اور ایلیمینیٹر 1کی فاتح ٹیم مد مقابل ہونگی ۔یہ میچ رات9بجے شروع ہوگا۔23 جون کو آرام کا دن ہو گاایونٹ کا فائنل24 جون کو کھیلا جائے گا۔تمام مقابلے ابوظہبی میں شیڈول ہیں ۔ آخری لیگ میچ میں اسلام آباد یونائیٹڈ نے ملتان سلطانز کو 4 وکٹوں سے شکست دے کر فتح کیساتھ راؤنڈ مرحلے کا اختتام کیا ہے۔ملتان سلطانز کے اوپنرز شان مسعود اور محمد رضوان نے اپنی ٹیم 93 رنز کا شاندار آغاز فراہم کیا ۔شان مسعود ن ے 59 رنز بنائے۔پوری ٹیم 149 رنز پر ڈھیر ہو گئی۔ محمد وسیم نے 4 جبکہ فواد احمد اور فہیم اشرف نے دو، دو کھلاڑیوں کو آؤٹ کیا۔اسلام آبادنے ہدف آخری اوورمیں دو گیند قبل ہی6وکٹوں پر پورا کرلیا ۔ شاداب خان نے 35رنز بنائے ۔ شاہنواز دھانی نے دو کھلاڑیوں کو آئوٹ کیا۔ محمد وسیم کو میچ کا بہترین کھلاڑی قرار دیا گیا۔