لاہور(سپورٹس رپورٹر)انگلینڈ روانگی سے قبل پاکستان کرکٹ سکواڈ کے پاکستان میں موجود ارکان نے ہوٹل آئسولیشن کیلئے رپورٹ کردیا  ۔ پاکستان کرکٹ سکواڈ کے ارکان نے اتوار کو ہوٹل آئسولیشن کیلئے رپورٹ کیا، رپورٹ کرنے والوں میں پاکستان میں موجودسکواڈ میں شامل 9سپورٹ سٹاف کے ارکان اور 3کرکٹرز شامل ہیں۔سپورٹ سٹاف میں مصباح الحق، یونس خان، وقار یونس ، کلف ڈیکن ، عبدالمجید ، شاہد اسلم ، ابراہیم بادیس ،ڈاکٹر ریاض احمد اور یاسر ملک شامل ہیں۔ کرکٹرز میں حارث سہیل، سعود شکیل اور عبداللہ شفیق بھی رپورٹ کرنے والوں میں شامل ہیں۔سکواڈ کے ارکان 25جون کی صبح خصوصی طیارے سے ابوظہبی روانہ ہوں گے ، ابوظہبی سے24ارکان خصوصی طیارے پر سوار ہوں گے جس کے بعد پاکستان ٹیم 25جون کو ہی برمنگھم پہنچے گی۔پاکستان سکواڈ ڈربی میں تین روز کی روم آئسولیشن مکمل کریگا پھر ٹریننگ کا آغاز ہوگا ۔قومی سکواڈ 6جولائی کو کارڈف پہنچے گا ۔پہلا ون ڈے 8جولائی کو ہوگا ، پاکستان ٹیم نے انگلینڈ میں تین ون ڈے اور تین ٹی ٹونٹی میچز کی سیریز کے بعد ویسٹ انڈیز جانا ہے ۔