سوہاوہ ( نامہ نگار)نواحی علاقہ پڑی درویزہ کے گورنمنٹ ہائی سکول کی گرائونڈ میں دیار غیر میں انتقال کرنے والے شہزاد قیوم اطہر اور چند روز قبل حادثاتی طو دنیا سے دائمی سفر کرنے والے راجہ امجد علی کیانی کی یاد میں والی بال ٹورنا منٹ منعقد کیا گیا ۔ ٹورنا منٹ کی انتظامیہ میں ہیڈ ماسٹر گورنمنٹ ہائی سکول پڑی درویزہ محمد رشید ، چوہدری شاہزیب اقبال، صفیع اللہ مغل اور سائنس ٹیچر شمشیر علی شامل تھے ۔ فائنل تقریب میں چوہدری لیاقت حسین آف جبہ ،تحریک ترقی پڑی درویزہ کے شاہد نصیب مغل ، حاجی امیر زمان اور طالب حسین زرگر بطور مہمان خصوصی موجود تھے ۔ٹورنا منٹ میں علاقہ سے پڑی درویزہ ، موہڑہ روشن ، بلہ موہڑہ اور چھبر سیداں کی چار والی بال ٹیموں شرکت کی ۔ فائنل میچ کپتان شمس نمبردار کی قبادت میں موہڑہ روشن کی ٹیم نے جیت لیا جبکہ چھبر سیداں کی والی بال ٹیم رنر رہی جس کی قیادت سیدمہتاب شاہ کر رہے تھے ۔ فائنل میچ کے بعد مہمانان خصوصی اور دیگر حاضرین نے مشترکہ طور پر دعاکی کہ شہزاد قیوم اطہر اور راجہ امجد علی کیانی مرحومین کو اللہ پاک نبی پاک ؐ کے وسیلے سے جوار رحمت میں جگہ دے کر تمام ورثا کو صبر جمیل سے مرحمت فرمائے ۔ میموریل والی بال ٹورنامنٹ کے انعقاد پر ہیڈ ماسٹر گورنمنٹ ہائی سکول پڑی درویزہ اور دیگر انتظامیہ کا شکریہ ادا کیا گیا ۔