میرا کو کراچی کی چٹ پٹی نلی بریانی پسند آگئی

لاہور ( کلچرل رپورٹر)  فلمسٹار اداکارہ میرا کو کراچی کی چٹ پٹی نلی بریانی خوب پسند آگئی۔ میرا کی ایک ویڈیو سوشل میڈیا پر وائرل ہے جس میں  انہیں کراچی کے ایک ہوٹل کے مالک کے ساتھ بیٹھ کر  چٹ پٹی بریانی کھا رہی ہیں۔ میرا نے  بریانی کھانے کے لئے کراچی کے علاقے لیاقت آباد کی مشہور  دکان  کا رخ کیا ۔اداکارہ بریانی کی خوب تعریفیں کرتی نظر آئیں ان کا کہنا تھا کہ میں نے اپنی زندگی میں اتنی مزیدار بریانی نہیں کھائی، مزہ آگیا، بہت اچھی ہے۔اس موقع پر ہوٹل میں موجود شہریوں نے میرا جی کو دیکھ کرخوشگوار حیرت کا اظہار کیا اور انکے ساتھ تصویریں بھی بنوائیں۔