وائرلیس اٹھائے نوجوان  کی فائرنگ سے شہری زخمی 

راولپنڈی(اپنے سٹاف رپورٹر سے) راولپنڈی پولیس نے گیس سلنڈرز ریفلنگ کرنے والے 3 افرادگرفتارکرلئے ملزمان شاہد اور رشید سے گیس سلنڈرز اور دیگر متعلقہ سامان برآمد ہوا، جبکہ نصیر آباد پولیس نے کاروائی کرتے ہوئے غیر قانونی طور پر گیس سلنڈرز ریفلنگ کرنے والے ملزم محمد رضوان کو گرفتا رکرکے ملزم سے گیس سلنڈرز اور دیگر متعلقہ سامان برآمدکئے ۔
منشیات فروشی،شراب سپلائی کرنے کے الزام میں 4ملزمان گرفتار
راولپنڈی(اپنے سٹاف رپورٹر سے)راولپنڈی پولیس نے منشیات فروشی اور شراب سپلائی کرنے کے الزام میں 4ملزمان گرفتارکرلئے نیوٹائون پولیس نے کاروائی کرتے ہوئے ملزم شاہد کو گرفتار کرکے ملزم سے250گرام چرس برآمد کی، ائیر پورٹ پولیس نے کاروائی کرتے ہوئے ملزم سجاد کو گرفتارکرلیا، ملزم سے525گرام چر س برآمد ہوئی، مری پولیس نے کاروائی کرتے ہوئے ملزم دلشاد کو گرفتار کرکے ملزم سے340گرام چرس برآمد کرلی، جبکہ آراے بازار پولیس نے کاروائی کرتے ہوئے ملزم شامیر کو گرفتار کے ملزم سے 10لیٹر شراب برآمد کرلی۔
راولپنڈی(اپنے سٹاف رپورٹر سے)وائرلیس اٹھائے نوجوان کی فائرنگ سے بنک سے رقم نکلوا کر نکلنے والا شہری زخمی ہو گیا،تھانہ نیوٹائون کو تیمور شہباز نے بتایا کہ سٹلائیٹ ٹائون میں بنک سے رقم نکلوا کر جا رہا تھا کہ ایک نوجوان جس کے ہاتھ میں وائر لیس سیٹ تھا نے آواز دی اور روک لیا تلاشی شروع کر دی اور تھانے لے جانے کا کہا تو میں نے ماموں اور بھائی کو فون کیا جس پر نعمان محمد ضیافت اور حسن جمال آ گئے جن کو دیکھ کر نوجوان جس کانام یاسر معلوم ہوا اور فائرنگ شروع کرد ی جس سے ضیافت زخمی ہو گیا۔