پشاور(آئی ا ین پی ) بس ریپڈ ٹرانزٹ ،بی آر ٹی ،پشاورکے کرایوں میں اضافہ کا اعلان کردیا گیا۔ ٹرانس پشاور کے ترجمان نے کہاہے کہ بی آر ٹی کے کرایوں میں اضافے کا اطلاق یکم جولائی سے ہوگا۔ 5 کلومیٹرکے فاصلے کا کرایہ 10 سے بڑھ کر 15 روپے ، 5 کلومیٹر سے 10 کلومیٹر تک کا کرایہ 15 سے 20 روپے ہوگا۔ ترجمان نے کہا ہے کہ 35 کلومیٹر سے40 کلومیٹرکے فاصلے کا کرایہ 45 سے 50 روپے ، 40 کلومیٹر سے زیادہ فاصلے کا کرایہ 50 سے 55  روپے ہوگا۔ ترجمان ٹرانس پشاورکے مطابق  پیٹرولیم مصنوعات کی قیمتوں میں مسلسل اضافہ کے باوجود کرایوں میں اضافہ نہیں کیا گیا تھا۔