لاہور(سپورٹس ڈیسک)آئی سی سی ورلڈ کپ کوالیفائر میچز میں زمبابوے نے نیدر لینڈز اور نیپال نے امریکہ کو شکست دیدی ۔ ہرارے میں کھیلے گئے میچ میں نیدرلینڈ زنے پہلے کھیلتے ہوئے 6وکٹوںپر 315رنز بنائے ۔ وکرم جیت سنگھ نے 88‘میکس دائود نے 59‘سکاٹ ایڈورڈز نے 83رنز بنائے ۔ سکندر رضا نے 4کھلاڑیوں کو آئوٹ کیا ۔زمبابوے نے ہدف 40.5اوورز میں 4وکٹوںپر پورا کرلیا ۔ جوئے لارڈ گمبائی 40‘کریگ اروائن 50‘سین ولیمز 91رنز بناکر نمایاں رہے ۔ مین آف دی میچ سکندر رضا 54گیندوں پر 102رنز بناکر ناقابل شکست رہے ۔ انہوںنے 8چھکے اور 7چوکے لگائے ۔ دوسرے میچ میں امریکہ کی ٹیم 207رنز پر آئوٹ ہوگئی ۔ شیان جہانگیر 100رنز بناکر ناٹ آئوٹ رہے ۔ کرن کے سی نے چار کھلاڑیوں کو آئوٹ کیا۔ نیپال نے ہدف 43اوورز میں 4وکٹوںپرپورا کرلیا ۔ بھم شارکی 77رنز پر ناقابل شکست رہے ۔ کرن کے سی کو میچ کا بہترین کھلاڑی قرار دیا گیا ۔