اس سال حج ادائیگی کے لیے اب تک 13 لاکھ 42 ہزار 351 عازمین سعودی عرب پہنچ گئے ہیں۔
سعودی عرب کے جنرل ڈائریکٹوریٹ برائے پاسپورٹس کے مطابق پیر کی رات تک 13 لاکھ 42 ہزار 351 عازمینِ حج زمینی، بحری اور فضائی راستوں سے سعودی عرب پہنچ چکے ہیں۔
سعودی عرب کی سرکاری خبر رساں ایجنسی نے اس حوالے سے اعداد و شمار جاری کیے ہیں جس کے مطابق ایئرپورٹس پر آنے والے عازمینِ حج کی تعداد 12 لاکھ 80 ہزار 240 تک پہنچ گئی ہے۔
زمینی راستوں سے 57 ہزار 463 عازمین سعودی عرب پہنچےجبکہ 4 ہزار 648 افراد بحری سفر مکمل کر کے سعودی بندرگاہوں پر پہنچے ہیں۔
عرب میڈیا کے مطابق سعودی عرب میں حج کی عبادات 26 جون سے شروع ہوں گی۔
سعودی حکومت کے اندازے کے مطابق رواں سال 26 لاکھ افراد حج ادا کریں گے