لاہور(سپورٹس رپورٹر)ٹی ٹونٹی انٹرنیشنل میں وکٹوں کی تعداد کے اعتبار سے عالمی نمبر تین راشد خان کے بارے میں دلچسپ حقیقت یہ بھی ہے کہ انہوں نے مختصر ترین فارمیٹ میں ٹی ٹونٹی ورؒلڈ کپ2024ء سے قبل کسی بھارتی کھلاڑی کو آؤٹ ہی نہیں کیا تھا۔ان کا سامنا ٹی ٹونٹی ورلڈکپ 2021 میں ہوا جبکہ دوسری مرتبہ وہ ایشیا کپ 2022 میں بھارت کے سامنے آئے۔ تیسری مرتبہ راشد خان بھارت کے سامنے ٹی ٹونٹی ورلڈکپ 2024 میں آئے اور اس مرتبہ رشبھ پنت کو آؤٹ کرکے انہوں نے پہلی مرتبہ بھارت کیخلاف اس فارمیٹ میں وکٹ لی۔ یہی نہیں بلکہ انہوں نے اسی میچ میں ویرات کوہلی اور اکشر پٹیل کو بھی میدان بدر کیا۔