بانی پی ٹی آئی کے پولیٹیکل ایڈوائزر لاہور سے اغوا 

لاہور(نوائے وقت رپورٹ) سابق وزیر اعظم اور بانی پی ٹی آئی عمران خان کے پولیٹیکل ایڈوائزر غلام شبیر کو اغوا کر لیا گیا۔ پولیس کے مطابق غلام شبیر کے اغوا کا مقدمہ تھانہ کاہنہ میں بیٹے بلال کی مدعیت میں درج کیا گیا، غلام شبیر شہباز گل کے بڑے بھائی بھی ہیں۔ ایف آئی آر متن کے غلام شبیر کو دو روز قبل نامعلوم افراد نے گھر سے اسلام آباد جاتے ہوئے اغواء کیا، غلام شبیر رات گئے اپنے گھر خیابان امین سے اسلام آباد کے لئے روانہ ہوئے تھے۔