سی ڈی اے کا اسلام آباد میں وائلڈ لائف سفاری پارک بنانے کا فیصلہ

اسلام آباد(وقائع نگار) سی ڈی اے نے اسلام آباد میں وائلڈ لائف سفاری پارک بنانے کا فیصلہ کیا ہے۔ یہ فیصلہ چیئرمین سی ڈی اے محمد علی رندھاوا کی زیر صدارت جمعرات کے روز اجلاس میں کیا گیا۔ اجلاس میں سی ڈی اے کے سینئیر افسران نے شرکت کی۔
 تفصیلات کے مطابق وائلڈ لائف سفاری پارک کو جنگل تھیم پر ڈویلپ کیا جائے گا۔ چیئرمین سی ڈی اے محمد علی رندھاوا نے ہدایت دیتے ہوئے کہا کہ سفاری پارک میں ٹری ہاؤسسز، جانوروں کا قریب سے مشاہدہ کے انتظام سمیت جانوروں کا ریہبلیٹیشن سینٹر بنائے جائیں۔ انہوں نے وائلڈ لائف سفاری پارک بنانے کیلئے ٹیکینکل ٹیم بھی تشکیل دیدی ہے جو وائلڈ لائف سفاری پارک بنانے کے تکینکی اور مالیاتی پہلوؤں کا جائزہ لے گی۔