کھنڈہ (نامہ نگار)پاکستان پیپلز پارٹی ضلع اٹک کے سرکردہ رہنما سردار غلام قادر جھنڈیال نے کہا ہے کہ پیپلز پارٹی عوام کی ترجمان جماعت ہے جس نے ہمیشہ عوام کی فلاح و بہبود کے لیے عملی اقدامات کیے حکومت نے بجٹ میں بے نظیر انکم سپورٹ پروگرام کی امدادی رقم میں اضافے کے سوا کوئی موثر اقدام نہیں اٹھایا اگر پیپلز پارٹی کی قیادت کی سفارشات کو مد نظر رکھتے ہوئے بجٹ مرتب کیا جاتا تو یہ ہر لحاظ سے مثالی ہوتا,,نوائے وقت,,سے گفتگو میں انہو ں نے کہا کہ ہم عوام کے ترجمان ہیں اور کسی ایسے حکومتی اقدامات کی حمایت نہیں کرینگے جس سے عام آدمی کی مشکلات میں اضافہ ہو اگر حکومت عوام کو ریلیف دینا چاہتی ہے تو اسے عوامی ترجیحات پر تمام تر توجہ دینا ہوگی انہوں نے کہا کہ وفاقی بجٹ میں اصلاحات کی ضرورت ہے جس کا ادراک وفاقی کابینہ کو کرنا ہوگا   ۔