مٹھیال (نامہ نگار)خوشحال خان خٹک ایکسپریس ٹرین کو دوبارہ بحال کرکے مسافروں کی سفری مشکلات کا ازالہ کیا جائے خوشحال خان خٹک ایکسپریس جو پشاور سے براستہ اٹک, بسال ,جنڈ ,کراچی جاتی تھی عرصہ دراز سے اس ٹرین کی بندش سے جہاں ملک کے دوسرے علاقوں کی عوام کو سفری مشکلات کا سامنا ہے وہیں پرتحصیل جنڈ کی عوام کو بھی اس ٹرین کی بندش سے مشکلات کا سامنا ہے شہریوں کا کہنا ہے کہ اس ٹرین سے ملک بھر سے روزانہ ہزاروں مسافر مستفید ہوتے تھے جو اب اس کی بندش سے مشکلات کا شکارہیں شہریوں نے وزیرا عظم پاکستان میاں محمد شہباز شریف اور ریلوے کے اعلی حکام سے خوشحال خان خٹک ایکسپریس ٹرین کو جلدازجلدبحال کرنے کا مطالبہ کرتے ہوئے کہاکہ خوشحال خان خٹک ایکسپریس ٹرین کا بحال نہ ہونا حکومتی کارکردگی پر سوالیہ نشان ہے۔