حضرو ( نمائندہ نوائے وقت) چھاچھی ہندکو میں لکھی گئی پہلی کتاب " بْجھنا ڈیوا " شائع ہو گئی ، کتاب کے مصنف نامور ادیب ، معلم ، کالم نگار اور علمی و ادبی تنظیم چھچھ چوراسی کے چیئرمین پی ایچ ڈی ڈاکٹر خاور چودھری ہیں ۔ اس سے قبل ان کی دو درجن کتب شائع ہو چکی ہیں ۔ وہ ایک فعال ادیب ، کالم نگار اور معلم ہیں ۔ گزشتہ تیس سال سے علم و ادب سے وابستہ ہیں ۔ ماضی میں وہ کئی اخبارات و رسائل کے ایڈیٹر اور حضرو پریس کلب کے صدر رہ چکے ہیں ۔