گوجرخان (نامہ نگار)پولیس ترجمان کے مطابق گوجرخان پولیس کی فوری کارروائی، واپڈا اہلکار کو اغواء کرکے تشدد اور ناروا سلوک کرنے والے 05ملزمان گرفتار، ملزمان نے بجلی چوری کی اطلاع پر آنے والے واپڈا اہلکار کو اغواء کیا اور تشدد کا نشانہ بنایا تھا، سی پی اوسید خالدہمدانی نے واقعہ کا نوٹس لیتے ہوئے ایس پی صدر کو ملوث ملزمان کی فوری گرفتاری کا حکم دیا تھا گوجرخان پولیس نے کارروائی کرتے ہوئے واپڈا اہلکار کو اغواء کرکے تشدد اور ناروا سلوک کرنے والے 05ملزمان کوگرفتارکر لیا، گرفتار ملزمان میں عرفان، شان قمر، عمران بنی، گلفام اور ارباب شامل ہیں ایس پی صدر محمد نبیل کھوکھر نے کہا کہ ملزمان کو قرار واقعی سزادلوانے کے لیے تمام قانونی تقاضے پورئے کیے جائیں گے، سی پی او سید خالد ہمدانی کا کہنا تھا کہ شہریوں کے ساتھ ساتھ تمام اداروں کا تحفظ بھی ہماری ذمہ داری میں شامل ہے کوئی شخص قانون سے بالاتر نہیں ہے،قانون ہاتھ میں لینے والے ملزمان قانون کی گرفت سے نہیں بچ سکتے، ملزمان کو ٹھوس شواہد کے ساتھ چالان عدالت کیا جائے گا۔