لاہور (کامرس رپورٹر) گرمی اور لوڈ شیڈنگ میں اضافہ کی وجہ سے یو پی ایس کی قیمتوں میں ایک ہزار سے 3 ہزار روپے تک اضافہ ہو گیا ہے جبکہ یو پی ایس کی بیٹریوں کی قیمت میں 300 سے 1200 روپے تک اضافہ ہوا ہے 500 واٹ کے یو پی ایس کی قیمت ایک ہزار روپے اضافے سے 7500 روپے ‘ 750 واٹ کے یو پی ایس کی قیمت 9500 روپے‘ ایک ہزار واٹ کے یو پی ایس کی قیمت 13 ہزار روپے‘ 15 سو واٹ کے یو پی ایس کی قیمت 18 ہزار روپے اور 2500 واٹ کی قیمت 25 ہزار روپے تک پہنچ گئی ۔ 85 ایمپیرز کی بیٹری کی قیمت 4 ہزار روپے سے بڑھ کر 4500 روپے‘ 100 ایمپیرز کی 5200 روپے‘ 130 ایمپیر 6700 روپے ہو گئی ۔