پولنگ صبح آٹھ بجے شروع ہوئی جو شام پانچ بجے تک جاری رہے گی ۔ اس حلقے میں ایک لاکھ پچیس ہزارسے زائد رجسٹرڈ ووٹرزکے لیے چھیانوے پولنگ سٹیشنز قائم کیئے گئے ہی ۔ جن میں سے چوبیس مردوں کے لئے اور تئیس خواتین کے لئے ہیں جبکہ انچاس پولنگ اسٹیشنز مشترکہ ہیں ۔ سکیورٹی انتظامات کیلئے آٹھ سو سے زائد پولیس اہلکارتعینات ہیں۔ صوبائی الیکشن کمیشن کے مطابق کُل اکیس امیدوار ضمنی انتخابات میں حصہ لے رہے ہیں تاہم آزاد امیدوار حبیب اللہ کنڈی ،جمعیت علمائے اسلام کے عبدالقادر بیٹنی اورپیپلز پارٹی کے داورکنڈی کے درمیان سخت مقابلہ متوقع ہے۔ واضح رہے حلقہ پی کے انہترکی نشست جے یو آئی کے گلستان خان بیٹنی کو نا اہل قراردیئے جانے کے بعد خالی ہوئی تھی ۔