شہر میں ڈاکے، 50 لاکھ کا مال لوٹ لیا، 4 کاریں، 10 موٹر سائیکل چوری

لاہور (نامہ نگار) صوبائی دارالحکومت کے مختلف علاقوں میں ڈاکے، چوریاں، 50 لاکھ کا مال لوٹ لیا، 4 کاریں 10 موٹر سائیکل چوری کر لیں۔ کوٹ لکھپت کے علاقہ چونگی امرسدھو سٹاپ پر دکانوں میں ڈکیتی و چوری کی برھتی ہوئی وارداتوں پر مقامی تاجروں نے شدید احتجاج کیا ہے۔ ڈاکوؤں نے ستوکتلہ کے علاقہ واپڈا ٹائون کے مرتضیٰ کے گھر گھس کر اہل خانہ کو گن پوائنٹ پریر غمال بنا کر 10لاکھ روپے، اقبال ٹائون نرگس بلاک کے ریاض کے گھر سے6 لاکھ روپے، جوہر ٹائون بی بلاک میں زاہدکے گھر سے ساڑھے5 لاکھ روپے، ڈاکوؤں نے ڈیفنس اے زیڈ بلاک میںراحت اور اسکی فیملی سے ساڑھے5 لاکھ روپے، گرین ٹائون سی ٹو میں رحمان اور اسکی فیملی سے3 لاکھ روپے، ستوکتلہ میں اعجاز شیخ اور اس کی فیملی سے 89 ہزار روپے مالیتکی نقدی، طلائی زیورات اورموبائل فون لوٹ لئے ہیں۔کوٹ لکھپت کے علاقہ چونگی امرسدھو سٹاپ کے قریب چار مسلح ڈاکوؤں نے شیخ محمد ندیم کی موبائل شاپ سے ایک لاکھ 65 ہزار روپے مالیت کی نقدی‘ کالنگ کارڈ اور میموری کارڈ لوٹ لئے۔ کوٹ لکھپت چونگی امرسدھو سٹاپ پر مقامی تاجروں نے شدید احتجاج کیا اور نعرے بازی کی ہے۔ تاجروں کا کہنا تھا کہ یہاں چوری و ڈکیتی کی وارداتیں معمول بن چکی ہیں۔گزشتہ دو ہفتوں میں یہاں یہ 16ویں دوکان میں واردات ہے۔ پولیس و انتظامیہ نے فوری ایکشن نہ لیا اور حالات میں بہتری نہ آئی تو تاجر برادری شٹرڈائون ہڑتال کرنے پر مجبور ہو گی۔ ڈاکوؤں نے قائد اعظم انڈسٹریل ایریا ای بلاک میں وارث اور اسکے بیٹے سے 5 لاکھ روپے،گلشن راوی گندا نالہ پر شیخ ارشد سے3 لاکھ روپے، شمالی چھائونی تاج باغ میں خاور سے 80 ہزار اور مو ٹر سائیکل،اقبال ٹائون سکیم موڑ پرراشد سے ایک لاکھ، نواب ٹائون میں نیازبٹ سے 1لاکھ 50ہزار، اسلام پورہ میں نویداختر سے 1لاکھ 20ہزار، فیکٹری ایریا میں علی احمد سے 60ہزار، موٹر سائیکل، جنوبی چھائونی میں علی اعوان سے 30ہزار، مغلپورہ میں اللہ وسایاسے 23 ہزار،سمن آباد میں سیف سے35 ہزار، مصطفی ٹائون میں شرافت علی سے 60ہزار،نواب ٹائون میں امجد سے 75ہزار ، ،نشتر کالونی میں ڈاکوئوں نے ملک شہزاد سے 80ہزار، غالب مارکیٹ میں ڈاکوئوں نے عمران خان سے 85 ہزار، ماڈل ٹائون میں یوسف سے45 ہزار روپے و موبائل فون لوٹ لئے گئے۔ چوروں نے ریس کورس میں سے فرح، اقبال ٹائون میں بلا ل، ستوکتلہ میں امجد، مصطفی ٹائون میں عاشر سے کی گاڑیاں جبکہ گجر پورہ میں سے ندیم، شاہدرہ میں نعیم،شاد باغ میں قاسم ،مصری شاہ میںسرفراز، فیکٹری ایریا میں یوسف، جنوبی چھائونی میںعمران، ڈیفنس بی میں وقاص، باغبانپورہ میں وسیم، پرانی انارکلی میںاشرف اور کوٹ لکھپت میں سے شہباز کی موٹر سائیکلیں چوری کر لی ہیں۔