پشین سے آنیوالے وفد کے شرکاء کی مصطفی کمال کے گھر پر دھمال سابق سٹی ناظم کی دستاربندی کی

کراچی (نوائے وقت رپورٹ) بلوچستان کے علاقے پشین سے 30 سے زائد افراد مصطفی کمال ہائوس پہنچ گئے۔ پہنچنے والے افراد نے کمال کے گھر ڈھول کے تھاپ پر دھمال بھی ڈالا۔وفد کے شرکاء نے سابق سٹی ناظم مصطفی کمال کی دستاربندی کی۔ مصطفی کمال نے کہا کہ کراچی میں یہاں آنے والے تمام افراد کا شکریہ ادا کرتا ہوں۔ اگر اسی طرح چلتے رہے تو پاکستان میں امن قائم ہوجائیگا۔ ہمارا مقصد ملک میں امن قائم کرنا ہے۔