تہران (اے پی پی) ایران ٹی وی کی رپورٹ کے مطابق اسلامی جمہوریہ ایران کے صدر حسن روحانی نے نوروز کے موقع پر 9 ملکوں کے سربراہوں کے نام اپنے الگ الگ پیغامات میں مبارکباد پیش کی ہے۔ ایران کے صدر حسن روحانی نے عید نوروز کے موقع پر افغانستان، تاجکستان، پاکستان، آذربائیجان، ترکمانستان، آرمینیا، ترکی، قزاقستان اور ازبکستان کے سربراہوں کے نام اپنے الگ الگ پیغامات میں مبارکباد پیش کی ہے۔ انہوں نے کہا کہ نوروز کا پیغام امن و دوستی کا پیغام ہے اور یہ موقع باہمی الفت اور یکجہتی کے لئے ایک بہترین موقع ہے۔ ایران کے صدر نے اپنے الگ الگ پیغامات میں کہا ہے کہ عید نوروز عید اعتدال، ہم سب کی مشترکہ اور تاریخی عید ہے جو بہار کی آمد، محبت و شوق و نشاط کی مظہر ہے۔
نوروز کا پیغام