کراچی(این این آئی)کراچی کے ایک فارم ہاوس میں ولیمے کی تقریب کے انعقاد پر دولہا کے والد کو گرفتار کرلیا گیا۔ایس ایس پی ملیر علی رضا کے مطابق گلشن معمار پولیس نے فارم ہائوس کے ملازم کو بھی گرفتار کرلیاہے۔ایس ایس پی ملیرنے بتایاکہ حکومت سندھ کی جانب سے تمام تقریبات پر15روز کے لیے پابندی ہے، غیر قانونی طور پر فارم ہائوس میں ولیمے کا انتظام کیا گیا تھا۔انہوں نے بتایا کہ پولیس نے گرفتار دونوں ملزمان کے خلاف مقدمہ درج کرلیا ہے۔