اسلام آباد (آئی این پی)پاکستان آرمی کے مخصوص ہیلی کاپٹروں کے ذریعے کورونا وائرس کے خلاف فضائی سپرے کی خبروں کو من گھڑت قرار دے دیا گیا ہے ۔ تفصیلات کے مطابق جمعرات کو سوشل میڈیا پر یہ خبریں گردش کرتی رہیں کہ پاکستان آرمی کے مخصوص ہیلی کاپٹرز رات بارہ بجے کے بعد پورے ملک کے اندر کورونا وائرس کے خلاف فضائی سپرے کرینگے ۔ جس سلسلے میں عوام الناس کو خاص ہدایت نامہ جاری کیا گیا ہے کہ وہ کمروں کے اندر رہیں تاہم بعد میں ایسی خبروں کو جعلی ، من گھڑت اور بے بنیاد قرار دے دیا گیا۔