راولپنڈی(جنرل رپورٹر) ہفتہ ولائے محمد ؐ و آل محمد کی مناسبت سے قمر بنی ہاشم ، حضرت غازی عباس علمدارابن علی ؑکا یوم ولادت پرنور قائد ملتِ جعفریہ آغا سیدحامدعلی شاہ موسوی کے اعلان کے مطابق  ملک کے دیگرشہروں کی طرح راولپنڈی ریجن میں بھی مذہبی جذبے اور عقیدت و احترام کے ساتھ منایا گی ۔مختلف مذہبی و ماتمی تنظیموں اور دینی اداروں کی طرف سے جشنِ غازی عباس ؑ کے جلسے اور محافل منعقد کی گئیں۔ دربار سخی شاہ پیارا راولپنڈی میں یوم غازی عباس علمدار ؑ کی تقریب سے خطاب کرتے ہوئے علامہ مطلوب حسین تقی نے کہا کہ معرکہ کربلا میں شجاعتِ حیدری ؑ کے وارث حضرت عباس ؑ نے اپنے دونوں بازو قلم کراکے پرچم حسینی کو جُھکنے نہیں دیا ۔