پورے سندہ میں کھیلوں کے فروغ کیلیئے کوشاں ہیں،سرداربنگل  مہر

معاون خصوصی برائے کھیل اور جنگلی حیات سردارزادہ بنگل خان مہر نے کہا  ہے کہپورے سندہ میں کھیلوں کے فروغ کیلیئے کوشاں ہیں،ان خیالات کا اظہار انہوں نے اسٹیل ٹاؤن میں اسٹیل ملز کیڈٹ کالج میں فٹبال گرائونڈ اور ایتھلیٹس ٹریک کی افتتاحی تقریب سے خطاب کرتے کیا۔ انہوں نے مزید کہا کہ پورے سندہ میں صحت مند ماحول پیدا کرنے اور کھیلوں کے فروغ کیلیئے وہ تمام کھیلوں کے گرائونڈ بنانے میں مصروف عمل ہیں۔ جس میں انھیں کافی کامیابیاں بھی مل چکی ہیں۔ اس موقع پے ان کے ساتھ سیکریٹری اسپورٹس اینڈ یوتھ ڈپارٹمنٹ سید امتیاز علی شاہ ، اسٹیل ملز پرنسیپل کیڈٹ کالج عبد الرحمٰن جسکانی، اسٹیل ملز سی سی او شجاع حسین شاھ ، اور اسلم مھر بھی ان کے ہمراہ تھے۔