نوشہرہ ورکاں (نمائندہ نوائے وقت) عابد آباد کلب نے شریف پورہ کلب حافظ آباد کو دو صفر گول سے ہرا کر دوستانہ فٹبال میچ جیت لیا۔ میچ کا پہلا گول شیخ علی رضا گوگی جبکہ دوسرا گول وسیم شاہ نے کیا ۔مہمان ٹیم کے کپتان اویس شانی نے پروفیسر میاں منور اور میاں ارشد خدمت انسانیت ویلفیئر فاؤنڈیشن کی کھیلوں کے میدان آباد کرنے کی کوششوں کو سراہا۔مہمان خصوصی میاں محمد اسلم نے فاتح ٹیم کے کپتان کو ٹرافی اور نقد انعام دیا۔