لاہور(سپورٹس رپورٹر) پاکستان ہاکی فیڈریشن نے کھلاڑیوں کی ویکسی نیشن کرانے کا فیصلہ کیا ہے۔ پاکستان ہاکی فیڈریشن کے سیکرٹری جنرل اولمپیئن آصف باجوہ نے کہا ہے کہ کھلاڑیوں، آفیشلز اور ان کی فیمیلز کی ویکسی نیشن کیلئے این سی او سی کوخط لکھ دیا ہے۔جونیئر اور سینئر ٹیموں کی انٹرنیشنل کمٹمنٹ پوری کرنے کیلئے ویکسی نیشن لگنا بہت ضروری ہے۔ جولائی میں جونئیر ایشیاکپ کے لیے پاکستانی ٹیم بھرپور تیاری کے ساتھ شریک ہوگی۔ جونئیر ورلڈکپ دسمبر میں بھارت میں کھیلا جانا ہے۔ایونٹس کی تیاری کے لیے رمضان میں جونئیر اور سئنیر ٹیموں کے میچز بھی پلان کررہے ہیں۔