لاہور (سپورٹس رپورٹر) پاکستانی کرکٹ امپائر علیم ڈار نے ایک اور اعزاز حاصل کرتے ہوئے 400 انٹرنیشنل میچز مکمل کرلیے۔ پاکستانی امپائر علیم ڈار نے ایک اور اعزاز کو گلے لگا لیا، انٹرنیشنل میچز میں انہوں نے 400 میچز مکمل کر لیے ہیں، اس طرح وہ دنیا کے نمبر ون امپائر بن گئے ہیں۔ علیم ڈار نے 136 ٹیسٹ، 211 ون ڈے، 53 ٹی 20 میچز میں امپائرنگ کی۔امپائرنگ میں 4 سنچریز مکمل کرنے پر علیم ڈار نے خوشی کا اظہار کرتے ہوئے کہا ہے کہ والدین، پرستاروں اور میڈیا کا خصوصی شکریہ ادا کرتا ہوں۔دوسری طرف انٹرنیشنل کرکٹ کونسل نے بھی 400 انٹرنیشنل مکمل کرنے پر پاکستانی امپائر علیم ڈار کو مبارکباد دی ہے۔