ابابیل نامی گھوڑی نے  ریس اپنے نام کرلی

حویلی کورنگا(نمائندہ نوائے وقت)نواحی علاقہ موضع دادوآنہ میں بسلسلہ جشن ولادت امام حسین علیہ السلام و غازی عباس علیہ السلام 2 روز گھڑ دوڑ مقابلوں کا انعقاد کیا گیا,جس میں ملک بھر سے اعلی نسل کے تربیت یافتہ گھوڑوں نے حصہ لیا اور گھڑ سواروں نے کمال مہارت کا مظاہرہ کرتے ہوئے برق رفتاری سے گھوڑے دوڑائے۔فائنل مقابلے میں مہر حسنین نگڑیال کی ابابیل نامی گھوڑی نے ریس اپنے نام کرلی, مہر محمود علی دادوآنہ کی جون پرنسز نامی گھوڑی نے دوسری پوزیشن جبکہ میاں سجاد حسین جنجیانہ کی گھوڑی ملنگنی نے تیسری پوزیشن حاصل کی۔