لالہ موسیٰ (نامہ نگار+ نمائندہ نوائے وقت) راولپنڈی سے لاہور جانے والی ٹرین جعفر ایکسپریس لالہ موسیٰ محلہ قادر آباد کے قریب ٹریکٹر ٹرالی سے ٹکرا گئی، کوئی جانی نقصان نہیں ہوا۔ تفصیلات کے مطابق جعفر ایکسپریس نے متعدد بار ٹریکٹر ٹرالی والے کوہارن دیکر الرٹ کیا، ٹرین قریب پہنچتے ہی ٹریکٹر ٹرالی والے دونوں افراد چھلانگ لگا کر جان بچاتے ہوئے فرار ہو گئے جبکہ تیز رفتار ٹرین نے ٹریکٹر کے ٹکڑے ٹکڑے کر دیئے، ریلوے پولیس اور ریلوے عملہ نے ضروری کارروائی کر کے ٹرین کو روانہ کر دیا۔ ریلوے پولیس فرار ہونے والے ٹریکٹر ڈرائیور اور اس کے ساتھی کو تلاش کررہی ہے۔