نوشہرہ ورکاں+تتلے عالی (نامہ نگاران+نمائندہ نوائے وقت) نواحی گائوں ماڑی بھنڈراں میں ٹریکٹر ٹرالی پہ سوار نوجوان اونگھ آنے کی وجہ سے گر گیا اور ٹائروں تلے کچلے جانے پر زندگی کی بازی ہار گیا جس کی تاحال شناخت نہیں ہو سکی. نوشہرہ ورکاں کا رہائشی لیاقت نامی شخص اپنی ٹریکٹر ٹرالی پہ برف لوڈ کر کے تتلے عالی سے نوشہرہ ورکاں آرہا تھا کہ تتلے عالی میں ہی نامعلوم نوجوان نے اس سے نوشہرہ ورکاں آنے کے لئے لفٹ لی اور ماڑی بھنڈراں کے پاس پہنچ کر اونگھ آنے کی وجہ نیچے گر گیا اور اسی ٹرالی کے نیچے آگیا جس سے موقع پہ ہی جان کی بازی ہار گیا اطلاع ملتے ہی ریسکیو 1122 نوشہرہ ورکاں کی ٹیم بروقت پہنچی اور نعش کو ٹی ایچ کیو ہسپتال نوشہرہ ورکاں منتقل کر دیا ۔رات گئے نوجوان کی شناخت شاہد ولد محمد آصف  سکنہ محلہ مدینہ مسجد نوشہرہ ورکاں کے نام سے ہوئی۔