بھارت: برطانوی کبڈی پلیئر  کے قتل میں ملوث 4 افراد گرفتار

لاہور(سپورٹس ڈیسک ) بھارت میں قتل ہونیوالے برطانوی کبڈی ٹیم کے کھلاڑی سندیپ سنگھ سندھو کے قتل میں ملوث 4 افراد کو گرفتار کرلیا گیا ہے۔ رپورٹ کے مطابق اس واقعہ میں 3 اہم سازشیوں کو بھی حراست میں لے لیا گیا ہے۔ سندیپ برطانیہ سے بھارت پہنچے تھے جہاں انہیں ایک کبڈی ٹورنامنٹ کا آرگنائز کرنا تھا جبکہ وہ اس سے قبل ہی قتل کردیئے گئے تھے۔ بھارتی ریاست پنجاب کی پولیس نے بتایا کہ انہوں نے اس قتل میں ملوث 4 افراد کو گرفتار کرلیا ہے۔قتل کی سازش کرنیوالے 3 افراد کیخلاف مقدمہ بھی درج کرلیا گیا ہے جن میں سے ایک سنور ڈھلیئن ہیں جو اس وقت کینیڈا میں مقیم ہیں۔ پولیس نے بتایا کہ دیگر دو افراد کینیڈا اور ملائیشیا میں رہائش پذیر ہیں۔