قلعہ دیدارسنگھ(نمائندہ خصوصی )شہر وگردونواح میں اشیائے خورونوش کی قیمتیں آسمان پر پہنچ گئیں ،ہوشربا مہنگائی کے ستائے عوام چیخ اٹھے ،ضلعی انتظامیہ کی مسلسل چشم پوشی سے دکاندار گاہکوں کو دونوں ہاتھوں سے لوٹنے لگے ،عوامی و سماجی حلقوں کا اعلی حکام سے فوری نوٹس لینے کا مطالبہ۔بتایا گیا ہے کہ رمضان المبارک میں  بھی سبزی، فروٹ، دالیں،گھی آٹا،چاول،مصالحہ جات کی قیمتوں میں خود ساختہ اضافہ کر کے مہنگائی کا طوفان برپا کر دیا ہے انتظامیہ کی لاپرواہی سے دکانداروں نے سرکاری نرخ ناموں کی دھجیاں اڑا کے رکھ دی ہیں جس سے عوام کی خریداری کی سکت ختم ہو کر رہ گئی ہے 'دکاندار سرکاری نرخ ناموں پر عملدرآمد نہ کرتے ہوئے عوام کو دونوں ہاتھوں سے لوٹ رہے ہیں عوامی سماجی حلقوں نے اعلیٰ حکام سے سرکاری نرخوں سے زائد وصولی کرنے والے دکانداروں کے محاسبے کا مطالبہ کیا ہے۔