یوم پاکستان کے موقع مسلح افواج کی پریڈ کی فل ڈریس ریہرسل دیکھنے کیلئے بڑی تعدادمیں عوام نے پریڈ گراؤنڈ کا رخ کرلیا۔
تفصیلات کے مطابق یوم پاکستان کےموقع پرمسلح افواج کےچاک وچوبنددستوں کی خصوصی پریڈکی تیاریاں تکمیلی مراحل میں داخل ہوچکی ہیں۔مسلح افواج کی پریڈکی فل ڈریس ریہرسل دیکھنےکیلئےبڑی تعدادمیں عوام نےپریڈگراؤنڈ کا رخ کیا . شائقین مسلح افواج کی ڈریس ریہرسل دیکھ کر خوب لطف اندوز ہوئے اور حب الوطنی کا اظہار کیا۔
ایک شہری نے کہا کہ خصوصی پریڈ کو دیکھنے والے شائقین کا کہنا تھا کہ’’اس سال بہت منفرد انداز سے پریڈ کا اہتمام کیا گیا، بہت دلکش اور ولولہ انگیز پریڈ دیکھنے کو ملی۔
ایڈووکیٹ سپریم کورٹ محمدکبیر کا کہنا تھا کہ کیا نظم وضبط ہے،کیاجذبہ ہے،یہاں آکر پورا پاکستان نظرآتاہے۔ایک اور شہری نے اظہار خیال کرتے ہوئے کہا کہ یہاں پر آنے کے بعد ہمیں محسوس ہوتا ہے کہ ہم مضبوط ہاتھوں میں ہیں اور ہماری فورسز ہمیشہ ہماری حفاظت کے لیے تیار کھڑی ہے . ہم تمام افواج پاکستان کے شہداء کو خراج تحسین پیش کرتے ہیں کہ انہوں نے اپنا خون دے کر اس ملک کو سلامت رکھا ہے۔شہری کا کہنا تھا کہ میری بیٹی فوج میں ہے اور میں اپنی بیٹی کو اس ملک پر قربان کرنے کے لیے تیار ہوں میں اپنی عوام سے گزارش کروں گا کہ اپنے ملک سے محبت کریں، یہی ہمارا جذبہ ہونا چاہیے کیونکہ ملک ہے تو ہم ہیں، پاکستان ہمیشہ آگے بڑھے گا اور پاکستان کا مستقبل بہت روشن ہے۔
