قذافی سٹیڈیم لاہور میں میڈیا سے گفتگو کرتے ہوئے کامران اکمل کا کہنا تھا کہ ٹی ٹونٹی ورلڈ کپ کے سیمی فائنل میں ٹیم نے اچھی کارکردگی کا مظاہرہ کیا اس لیے شکست مایوس کن تھی، سعید اجمل میچ وننگ باؤلر ہیں تاہم سیمی فائنل میں قسمت نے ان کا ساتھ نہیں دیا۔ ایک سوال کے جواب میں انہوں نے کہا کہ میچ فکسنگ کے حوالے سے انہوں نے پی سی بی کو اپنا موقف پیش کردیا ہے، انہیں کسی انکوائری کا ڈر نہیں کیونکہ ان کے ہاتھ صاف ہیں۔