چارسدہ+ پشاور (ایجنسیاں+ بیورو رپورٹ) چارسدہ کے علاقے شب قدر کے مختلف علاقوں سے پانچ دستی حملوں کے نتیجے میں 5 خواتین‘ 6 بچوں سمیت 14 افراد زخمی ہوگئے، یکے بعد دیگرے دھماکوں سے علاقے میں شدید خوف وہراس پھیل گیا۔ ذرائع کے مطابق دھماکے دستی بموں سے گھروں اور سکول کے باہر کیے گئے ۔ ایک دھماکہ سروکلے میں سکول کے باہر ہوا جس سے چوکیدار اور طالبعلم زخمی ہو ا جبکہ موصل کور میں گھر کے باہر دھماکے سے 8 افراد زخمی ہو ئے۔ سکیورٹی اداروں نے علاقے کو گھیرے میں لیکر بم ڈسپوزل سکواڈ کو طلب کر لیا ہے۔ دھماکوں سے عوام میں شدید خوف وہراس پھیل گیا اور بچوں کے والدین سکول کی طرف دوڑے چلے آئے۔پشاور پولیس اورانٹیلی جنس اداروں نے تباہی کا بڑا منصوبہ ناکام بناتے ہوئے شدت پسندوں کے ٹریننگ سنٹر سے 409 کلوگرام بارودی مواد، سکیورٹی فورسز کی وردی، آئی ای ڈیز اور دیگر دھماکہ خیز آلات برآمد کرکے ایک دہشت گرد کو گرفتار کرلیا ۔ جکھڑ میں حساس اداروں اور سی ٹی ڈی نے اہلسنت و الجماعت کے تحصیل صدر قاری محمد اسلم فاروقی کو گرفتار کرکے نامعلوم مقام پر منتقل کردیا گیا۔ کوئٹہ میں ایف سی نے نواحی علاقے گاہی خان چوک میں زیر زمین چھپایا گیا بھاری تعداد میں اسلحہ اور گولہ بارود برآمد کرلیا۔ آئی ایس پی آر کے مطابق قبضے میں لی گئی اشیاء میں 503 گرینڈ،5 دیسی ساختہ آئی ای ڈیز ، ایک آر پی جی سیون ، دو رائفلز ، 22 عدد آر پی جی 7 گولے ، 19 فیوز، مختلف ساخت کے ہزاروں رونڈ اور دیگر تخریبی مواد شامل ہے۔
5بم دھماکے
کوہاٹ (مانیٹرنگ ڈیسک)کوہاٹ کے علاقے لاچی کے قریب پولیس موبائل پر دہشت گردوں نے حملہ کیا ،پولیس کے مطابق دہشت گردوں کی فائرنگ سے موبائل میں سوار ایس ایچ او لاچی سمیت 4 اہل کار شہید ہوگئے۔پولیس کے مطابق کوہاٹ کے علاقے کمال خیل میں کارروائی کے بعد واپسی پر دہشت گردوں نے پولیس موبائل پر فائرنگ کردی ۔پولیس کا کہنا ہے کہ ایس ایچ او لاچی خان اللہ پولیس پارٹی کے ساتھ ملزمان کو پکڑنے گئے تھے۔دہشت گردوں کی گرفتاری کے لیے پولیس نے علاقے کو گھیرے میں لے لیا ۔حملے میں شہید ہونے والے پولیس اہلکاروں میں ایس ایچ اولاچی خان اللہ کے علاوہ ایڈیشنل ایس ایچ اوطاہر محمود شہید، سپاہی عابد اور تنویر علی بھی شامل ہیں۔