دو روزہ پرکٹس میچ ڈرا ہوگیا

لندن ( بی بی سی ڈاٹ کام ) پاکستان کرکٹ ٹیم کا انگلش کرکٹ کلب لیسٹر شائر کے خلاف دو روزہ پرکٹس میچ ڈرا ہوگیا۔ پاکستان نے دوسرے روز 9 وکٹوں کے نقصان پر 321 رنز بناکر کھیل کے پہلے روز اننگز ڈکلیئر کردی۔اوپنرز اظہر علی اور فخر زمان نے سرفراز احمد کے اس فیصلے کو درست ثابت کیا اور پہلی وکٹ پر 121ر نز کی شراکت قائم کی۔فخر زمان نے 14 چوکوں کی مدد سے 71رنز کی اننگز کھیلی، اظہر علی نے 73رنز بنائے ، اْن کی اننگز میں 13 چوکے شامل تھے۔فہیم اشرف نے 15 اور محمد عباس نے 16رنز کی اننگز کھیلی۔ لیسٹر شائر کی جانب سے علی، جاوید، کلین اور ویلز نے دو، دو وکٹیں حاصل کیں۔جواب میں لیسٹر شائر نے عتیق جاوید کی نصف سنچری کی بدولت چھ وکٹوں کے نقصان پر 226 رنز بنائے۔لیسٹر شائر کی جانب سے عتیق جاوید نے 54رنز بناکر وہ زخمی ہونے کے بعد ریٹائرڈ ہو گئے۔ عادل علی نے 41 اور لوئس ہل نے 33 رنز بنائے۔پاکستان کی جانب سے شاداب خان نے دو جبکہ محمد عباس، سعد علی اور فخر زمان نے ایک، ایک کھلاڑی کو آؤٹ کیا۔میچ کے بعد میڈیا سے گفتگو کرتے ہوئے اظہر علی نے کہا کہ فاسٹ باؤلر محمد عامر ٹھیک ہیں۔انہوں نے کہا کہ محمد عامر نے آئرلینڈ کے خلاف انجری کے باوجود اچھی بولنگ کی۔کرکٹر عثمان صلاح الدین نے میڈیا سے گفتگو میں کہا کہ خوشی ہے کہ آج پہلی بار پاکستان کیلئے کھیلا۔عثمان صلاح الدین نے کہا کہ پریکٹس میچ میں 100 فیصد کارکردگی دکھائی، انگلینڈ کے خلاف کھیلانا ٹیم منیجمنٹ کا فیصلہ ہوگا۔ان کا مزید کہنا تھا کہ ٹیم منیجمنٹ سپورٹ کررہی ہے، سب لڑکے نیٹ پر محنت کررہے ہیں۔پاکستان اور انگلینڈ کے درمیان پہلا ٹیسٹ لارڈز کے میدان میں 24 مئی سے شروع ہو گا۔