کراچی (کرائم رپورٹر) رینجرز نے پرانا گولیمار کے علاقے واجہ ولی محمد گوٹھ میں کارروائی کرکے مدفون اسلحہ برآمد کرلیا۔رینجرزکے ترجمان کے مطابق اسلحہ ایک خالی پلاٹ میں زمین کھود کرچھپایا گیا تھا۔ برآمد شدہ اسلحہ میں تین سب مشین گنیں‘ بارہ میگزین‘ دو آوان بم اورمختلف اقسام کی دوہزار 570 گولیاں شامل ہیں۔ ترجمان نے بتایاکہ یہ اسلحہ لیاری گینگ وار میں ملوث عذیربلوچ گروپ کے شرپسندوں نے چھپایا تھا‘ جسے کراچی میں بدامنی پھیلانے کیلئے استعمال کیا جانا تھا۔ ترجمان نے عوام سے یہ اپیل بھی کی کہ شرپسند عناصر کے خلاف رینجرزسے تعاون کیا جائے۔