کراچی (اسٹاف رپورٹر)اتوارکے روزعید پینتیکوست کی صبح کی پاک ماس کے بعد دوپہر 12 بجے کی مقدسہ مریم کی دعا کے بعد پاپائے اعظم نے ویٹی کن اسکوائر میں خطاب کرتے ہوئے کہا کہ وہ 29 جون کو 14نئے کارڈینلز کا تقرر کریں گئے۔ جن میں پاکستان سے آرچ بشپ جوزف کوٹس شامل ہیں۔ ان کے علاوہ عراق، جاپان، پیرو،مڈغاسکر جبکہ ویٹی کن کے مختلف شعبہ جات سے 4 بشپ بھی شامل پیں۔ واضح رہے کہ کارڈینل جوزف کارڈیرو کی وفات (1994)کے بعد یہ دوسرے آرچ بشپ ہیں جہنیں یہ اعزاز حاصل ہوا ہے۔ نئے منتخب ہونے والے 14کارڈینلز میں سے گیارہ 80برس سے کم عمر کے ہیں۔ اور وقت آنے پر یہ پاپائے اعظم کے انتخاب میں حصہ لے سکتے ہیں۔کارڈینلز کی اب کل تعداد 125ہو گئی ہے۔ ان میں سے 59پاپائے اعظم فرانسس نے، 47پاپائے اعظم بینڈکٹ نے اور 19پاپائے اعظم مقدس جان پال دوم کے مقرر کردہ ہیں۔
آرچ بشپ