بیدیاں روڈ: لوڈر ٹرک رکشے پر الٹ گیا، ایک خاندان کے 2 بچے جاں بحق، 7 زخمی

لاہور(سٹاف رپورٹر)کینٹ کے علاقہ بیدیاں روڈ کے قریب خوفناک ٹریفک حادثہ کے دوران دو کم سن بچے جاں بحق جبکہ بچوں کے والدین سمیت ایک ہی خاندان کے سات افراد شدید زخمی ہوگئے۔ بیدیاں روڈکا رہائشی 25سالہ سعید خان اپنے بڑے بھائی گل خان کے ہمراہ بچوں سمیت چنگ چی رکشے پر پارک میں سیر کرنے کیلئے جارہے تھے کہ لدھڑ سٹاپ کے قریب پیچھے سے آنیوالا لوڈر ٹرک رکشے پر اُلٹ گیا جس کے باعث سعید خان اُسکا بڑا بھائی گل خان 2کمسن بچوں سمیت 9افراد شدید زخمی ہوگئے۔ زخمی ہونیوالوں کو جنرل ہسپتال پہنچایا گیا کہ 8سالہ فصیح محمداور 6سالہ غنی خان زخموں کی تاب نہ لاتے ہوئے ہسپتال میں دم توڑ گئے زخمیوں میں 25سالہ سعید خان 35سالہ گل خان 12سالہ عبداللہ 9سالہ غفار خان 20سالہ مولا گل اور 13سالہ مجید خان اور 16سالہ لڑکی خدائی نور بھی شامل ہے۔ جنھیں جنرل ہسپتال میں طبی امداد دی جارہی ہے۔